Kjøkkenteikningane

Slik blir kjøkkenet vårt. Og konklusjonen er vel at å teikne kjøkken tek tid.

Då vi byrja skulle vi i allefall ikkje ha vasken under vindauget og benkeplata skulle absolutt vere 40 mm, ikkje standard 30 mm. I det ferdige resultatet er vasken under vindauget, benkeplata er 30 mm, oppvaskmaskina er heilintegrert utan display og vi har mikro. Mykje har endra seg, men kanskje allermest tankegangen vår. Slik blir det i allefall:

Ovanfrå.

Frå spisestua/trappa/stova.

Bak barløysinga blir spisestua.

Dermed blir mitt råd til andre kjøkkenbyggarar å starte tidleg. Og å teikne hjå fleire leverandørar. Mykje var likt frå dei ulike leverandørane, men det var tilslutt kjemien og sørvisen frå vår leverandør som gjorde utslaget. Dermed kan eg varmt anbefaler å handle kjøkken med Elin her, om du tilfeldigvis var på utkik etter kjøkken her i distriktet.

Kva herlegheita kosta lurte du på? Det skal eg kanskje fortelje ein anna gong...*ler*

Anita

PS. Takk for innspel om spottar, kjekt å høyre erfaringar!

Kjøkken bestilt!

Då er kjøkkenkontrakta underteikna. Endeleg! Prosessen har teke vel eit halvt år, med ulike leverandørar, ulike ynskjer og ulike prisklasser. Det einaste som har vore uforandra er sjølve kjøkkendørene, dei har sett rimeleg like ut sidan prosessen starta i april.

Her er eit bilete frå katalogen til Nettoline som blei "vinnaren".

Skal få lasta opp bilete av kjøkkenløysinga vår, og sjå om eg finn bilete av benkeplata eg blei mest fortruleg med.

Vi bloggast!

Anita

Mummikrus

Vi, eller det vil sei Mats, fekk eit mummikrus i gåve då han kom til verda. Med beskjed til foreldra om at det var eit veldig godt krus å drikke kaffi frå òg. Og det har vi gjort -kvar dag! Perfekt størrelse, god å holde i og kjekk å sjå på.

Bilete er lånt her

Vi har kruset med sjølvaste Mummitrollet på, men det finnast med alle figurane frå Mummidalen. Eg såg på ein blogg (som eg ikkje finn att..) ei som samla og hadde fått nesten alle krusa, og det vil vi òg ha! Kjekke, artige kvardagskrus i alle moglege fargar som eg gjerne vil servere kaffi i.

Ha ein fin mandag!
Anita

Spottar

Vi har fått opp alle spottekassene i helga. På bilete over ser du mi oppgåve:å brette kassene og klippe plast. Etter ei rask hovudrekning er det 51 i talet(!). Lyst skal det nok bli. Spottane er på begge bada, kjøkken, gang, stove, utanfor ytterdør og veranda og på vårt soverom.

Her er det bursdagsbarnet i aksjon med ei kasse på soverommet i hovudetasja.

Spottane på vårt soverom har komt opp etter anbefaling frå eit vennepar. Det skal vere genialt med tanke på amming/bleieskift om natta når ein vil ha minst mogleg lys på og kan dimme lyset.



Eit lite bilete av spottane over trappa og innover kjøkkenet. Her blir det to ulike soner, og til høgre ei eiga sone for spisestua. Tanken med spottar over spisestua er å ha godt "lekselys" om nokre år. Men trudde du at lysekrona/lampen over spisestua er forkasta av den grunn, tek du nok feil. Her blir det ja takk begge deler, sjølvsagt.

Ha ein fin søndag!
Anita

Frå mobil: sølvrekka

Gullrekka på fredagskvelden sa du? Her er det sølvrekka...montering av spottekasser i stor stil! Varmt og godt i huset, første kveld med fredagskos i heimen! Ei god helg til deg som er innom. A

Gummigolv

Bileta er lånte her

Det er mykje skriving om forventing her i bloggverda no i denne adventstida. Her i heimen er ordet forventing knytt til nye-huset vårt. No byrjar ting å måtte vere klarlagde. Vi må bestemme oss. I løpet av det siste året har vi/eg stått med opne armar og sugd inn alle moglege interiørtips og idèar. Eg har meint lite og tenkt mykje. Lagra og klipt og limt. No byrjar det å tilspisse seg, vi skal bestemme korleis vårt hus skal bli.

Kjøkkenet er så og seie fiks ferdig. Ventar på å teikne kontrakt, og forhåpentlegvis finne ei benkeplate eg kan leve med.

No står det om bad og vaskerom. Og på vaskerommet drøymer eg om gummigolv som du ser bilete av over. Råstilig, og litt annleis. Utan å ha blitt noko klokare om dette er godkjent for våtrom eller ikkje, kryp eg til sengs. Det får bli oppgåva i morgon!

Ha ei god natt!

Anita

Utfordring

Eg har fått ei utfordring frå Havets Datter, og då er det vel på sin plass å ta den!

Skriv 3 ting du hugsar som om det var i går:
Bilturen på veg til sjukehuset då Mats kom til verda
Griseslakting som 4-åring (fortsatt traumatisk!)
Trulovinga vår

Skriv 3 ting du mislikar:
Løgn
Kø
Urettferd

Skriv 3 ting du likar godt:
Fredagskveldar
Husbygging (ja, faktisk!)
Permisjonsordningane i Noreg

Skriv 3 bloggar du besøkjer dagleg:
http://www.hvitstil.com/
http://www.jordbarpiken.blogspot.com/
http://www.harmonisklykke.blogspot.com/
(vil du vite fleire ser du på blogglista mi til høgre-->)

Skriv 3 songar du høyrer på for tida:
Himlen i min famn (Carola)
The Lonliest Night Of December (Benedicte Adrian)
Jul, jul, strålande jul (Peter Jøback)
(Jepp, kun julesongar her i heimen..!)

Skriv 3 TV-program du følgjer med på:
71 grader nord
Greys Anatomy
Nytt på nytt

Skriv 3 bloggvennar du vil sende denne vidare til:
Blomster og Bier
Huset på Planen
Hvit perle

1. søndag i advent

Vi har brukt den første søndagen i advent til å snekre og rydde. Sidan vi utvida altanen har vi avtalt med snekkarane våre å spikre på delar av rekkverket sjølve, noko som var bleggkaldt med nysnøv og minusgrader. Men du kor fint! Kan det bli betre "1. søndag i advent-vèr"? Kvitt og lyst og reint og fint. Herleg!

Inne byrjar veggane og taket å bli tette i hovudetasjen. Det går med enorme mengder isolasjon!

På veg heim i dag lyste det fint i nesten alle hus; adventstakar, stjerner, telys, og lysslynger. Endeleg er den mørkaste tida av året over, no blir det berre kos fram mot jul og solsnu.

Ynskjer deg ein fortsatt fin første søndag i advent!

Anita

Har du funne eit kamera?!

Kameraet vårt er søkk vekk. Store delar av kvelden i går gjekk med til å leite etter det...

Og det irriterar meg grenselaust at det er vekk.

Avhengig av mobilen din seier du? Vel, slik er det med meg og kameraet...det er stortsett med over alt. Og per dags dato ligg det bilete tilbake til juni innpå! (Dei ligg jo òg på maskina...men det er kanskje ikkje nødvendig at nokon andre skal ha tilgong til dei om kameraet er i andre sine hender)

Men for all del, det er ikkje sikkert eg har mista det. Det kan hende eg har rota det vekk (les: lagt det på ein lur plass).

Vel, vel...tilbake til leitinga!

Anita

PS. Vi har hatt pinnekjøtt til middag i dag...og det kan sjølvsagt anbefalast! Mmmm.

Redigert innlegg kl.19.45: Kamera på plass igjen!
"Alt som ikkje er stelt eller brunne dukkar opp igjen" viser seg å stemme godt.Pjuh!

Frå mobil: hus-scrapping

Kameraet vårt er forsvunne...håpar det dukkar opp igjen snart! Difor eit bilete teke med mobil. Eg lagar husbok med klipp og lim for å vise korleis det er tenkt å bli -i ekte interiørdesignerstil! I huset er det isolering og ventilasjonsanleggmontering på gong denne veka. Vi bloggast! Anita

Den nye lille lysekrona

Her kjem to små bileter av den nyinnkjøpte herlegheita:

Som skal få plass på soverommet eller in the "walk-in-closet".

No heng den fint i eine hjørnet av stova og ventar på å få flytte inn i huset.
Takk til Åhlèns for nye prisar på ein rekke varer! 495,- for ei lysekrone må vel seiast å vere ein fornuftig pris. Nesten på nivå med IKEA..

Ha ein fin dag!
Anita

Innebygd radio på kjøkkenet

Bilete er lånt her.

Vi kikar litt på om vi skal ha innebygd radio på kjøkkenet. Då blir det eit lite panel som på biletet over, montert i veggen. Den finnast med kvit, metall, svart eller trestruktur ramme. (Men i desse kvite tider er det vel ikkje spørsmål om å velje noko anna enn kvit...)

På badet blir det vel mest sannsynleg radio i dusjkabinettet og unødig med eit ekstra panel på veggen. (Dei dusjkabinetta eg har vore bort i har generelt god lyd og fungerar godt både når ein står inne i dusjen og utanfor.)

Ha ein fin dag!

Anita

iRobot - støv på hjerna

Bilete er lånt her

Ein støvsugerrobot står høgt på lista over ting som hadde vore kjekke å ha. Sjølv om målgruppa er menn i alderen 25-50 med interesse for gadgets og minimalistisk møblert leiligheit, kunne eg godt tenkt meg ein slik ein!

Nokon erfaringar der ute? Må ein trå til sjølv for å få eit godt resultat, eller kan ein robot støvsuge huset medan vi er på jobb?

Anita

Vekestatus : altan

Slik ser det ut i huset vårt i dag!

Her kan det bli plattingdans neste sommar.

Rekkverket sett frå innsida.

Ynskjer deg ei god helg, her er det fredag og TV-kveld!

Anita

Regntung torsdag

Som du ser på vindauget regnar det sidelengs her i dag. Skikkeleg trist og grått ute.
Vi driv og teiknar og reknar på om vi skal endre trappa inne i huset frå 180 grader sving til 90 grader.
Då vil trappa kome opp mot kjøkkenet i staden for rett mot spisestua, noko som verkar mykje meir praktisk ved nærare ettertanke.

Det er verkeleg noko i utsagnet "Ein må byggje 3 hus før ein blir nøgd". Ting som verka genialt i februar verkar ikkje lenger so geniale, og andre ting som ikkje var heilt topp har blitt bra. Eller er det vi som har endra tenkjemåte/ynskje undervegs?

Frå mobil: bordkledning ferdig!

Bordkledninga er ferdig, halvmåne-vindauget er innsett, og altanen har fått dekke i løpet av dagen i dag! Anita

Planlagt etter-bilete

Bilete er lånt her.

Slik er planen at bordet skal sjå ut når det er ferdig! Eg gler meg til å få gå laus med pussemaskina eg fekk i bursdagsgåve.

Sjølvsagt skal det ferdige resultatet ha lammeskinn på benken. (Sjølv om mannen i huset grøssar berre ved tanken.)

Lysekrona frå i går måtte hengast opp her. Det blir for lenge å vente nær eit halvt år før eg får pakke den opp av eska. Dermed har den fått eit lite hjørne her i den lille stova vår. Litt malplasert kanskje, men veldig fin!

Tudeluu! Og takk for alle kjekke helsingar, det gjer det stas å sjekke bloggen.

Bord frå finn.no

I dag har vi vore på dagsekspedisjon og kika på kjøkken og andre husraritetar. I tillegg har vi henta med oss dette bordet heim:

Det fann eg på finn.no på laurdag!

Planen er å måle understellet kvitt og bordplata mørk både på benken og bordet.

Alle bilete er lånt frå finn.no

Det geniale er at bordet er 2,10 meter langt og benken heile 2,0 meter.

Så godt som perfekt med andre ord.

No gjennstår det berre å få pappa til å lage ein klaff som kan brukast med ein duk over...

Vi fekk og kjøpt den første lysekrona til huset med verdas hyggeligaste butikkdame (*ler*...det blei ho frå det sekund ho spurde om kven som hadde strikka den fine gensaren Mats hadde på seg...!)

Då blir det dessverre ikkje vanleg mandagskveld med 71 grader nord her i heimen...UNICEF innsamling kunne lett ha vore ein annan kveld og ikkje akkurat no.

Ha likevel ein fin kveld alle der ute!

Kjekkasgensar ferdig!

Den var ferdig i torsdagsmorgon, og har vore i bruk både den dagen og i går!

Nokon sa ein gong til meg at når du lagar noko sjølv og gir det vekk, må du passe på å gi det til nokon som ser verdien av alt arbeidet og tida du har lagt i det....*ler* slik sett er det greit når ein skal behalde det sjølv.

I går møtte eg ein bil med juletre på taket(!) -nokon har verkeleg tenkt å vere tidleg klar til jul.

God helg til alle bloggjenter og til deg som har klikka deg inn her!

Frå mobil:Altansøyle på plass

Dermed kan det siste vindauget kome på plass. OG gensaren til mats er ferdig! Anita